Muarem: Reynaldo Bakıda qol vura bilmədisə, Zaqatalada fərqlənər
"Qarabağ"ın yarımmüdafiəçisi Muarem Muaremin azerisport.az saytına müsahibəsi
- "Simurq"la kubok oyunu barədə təəssüratlarınız necədir?
- "Simurq"la oyunlarımız həmişə maraqlı olub. Başa düşürdük ki, bizi çətin oyun gözləyir. Qələbə qazandığımıza görə şadam. Qarşıda bizi bu komanda ilə daha iki oyun gözləyir. Onlardan biri kubok, digəri çempionat görüşüdür. Yaxşı nəticə qazanmağa çalışacağıq.
- Süni qazonda oynamaq çətin deyildi?
- Buna diqqət yetirmək lazım deyil. Əsas odur ki, qələbə qazandıq.
- Sizinlə Leroy Corcun meydana çıxmasından sonra "Qarabağ" daha sürətli oynamağa başladı...
- Baş məşqçinin qərarı belə idi. Bizə də məhz sürət baxımından oyunu yaxşılaşdırmaq tapşırığı verilmişdi.
- Siz Reynaldoya yaxşı ötürmə etsəniz də, o fərqlənə bilmədi...
- Ciddi bir şey yoxdur. Zaqatalada vurar (gülür).
- Minimal hesablı qələbə cavab oyununda sizə kömək edəcək?
- Bizə qol buraxmadan qalib gəlmək vacib idi. Prinsipcə, qolsuz heç-heçə də pis nəticə deyildi. Qələbə qazandığımız isə daha sevindirici oldu. Amma hələ heç nə həll olunmayıb.
- Qarşıdakı bir həftə ərzində "Simurq"a qarşı daha iki oyun keçirmək bezdirici olmayacaq?
- Burada xüsusi bir şey yodur. Premyer Liqada hər komandaya qarşı dörd dəfə oynamalı oluruq. Əsas odur ki, kubok və çempionat oyunlarını bir-biri ilə səhv salmamaqdır.
