Məhəmməd Mirzəbəyov: Onun oynamaması İnter üçün üstünlükdür
"İnter"in müdafiəçisi Məhəmməd Mirzəbəyov ölkə kubokunun yarımfinal mərhələsi çərçivəsində "Neftçi"yə qarşı keçirəcəkləri ilk oyun öncəsi fikirlərini açıqlayıb. Azerisport.az saytına açıqlamasında o, bunları söyləyib:
"Bu oyunda qələbə qazanmaq istəyirik. Əlbəttə, son turu buraxdığımıza görə biz bu oyuna yorğunluq olmadan çıxacağıq. "Neftçi"nin nə dərəcədə yorğun olduğunu isə oyun göstərəcək. Laşa Salukvadze, Aleksandr Amisulaşvili və Abdulla Abatsiyevin yoxluğu bizim üçün böyük itkidir. Çox təəssüf ki, onlar bizə kömək edə bilməyəcəklər. Düzdür, rəqib komandada da Flavinyo oynamayacaq. Amma bunun bizi sevindirdiyini deməzdim. Baxmayaraq ki, "Neftçi" üçün belə bir oyunçunun olmaması ciddi itkidir. Həm də o, bu klubun kapitandır. Hər halda belə bir oyunçunun yoxluğu bizim üçün üstünlükdür. Finala daha yaxşı hazırlığa malik komanda çıxacaq. Hansısa klubun adını çəkmək istəməzdim".
