Tahir Gözəl: Qarabağ Müşahidə Şurası yaratmayacaq
"Qarabağ"ın vitse-prezidenti Tahir Gözəl "Neftçi"nin Müşahidə Şurasının yaradılmasına münasibət bildirib. Azerisport.az xəbər verir ki, o, belə bir strukturun Ağdam klubunda yaradılması ehtimalına da münasibət bildirib:
"Neftçi"yə uğurlu, ağıllı insanlar toplaşıb. Onlara uğurlar arzulayıram. "Neftçi" Azərbaycan üçün vacib klubdur. Hesab edirəm ki, bununla onlar doğru addım atdılar. Klublarımız arasındakı oyunlar həmişə mənim üçün xüsusi olub. Bu, iki liderin döyüşünə çevrilir. "Qarabağ"da isə dəyişiklik olmaycaq. Bizdə hər şey düzgün qurulub. Nə edəcəyimizi yaxşı bilirik".
Gözəl bəyan edib ki, "Qarabağ"ın voleybol komandasını yaratmaq fikirləri yoxdur: "Belə bir komanda yaratmaq haqda heç vaxt düşünməmişik. Bu, bizlik deyil. Mən bir komanda ilə məşğul oluram, amma yaxşı formada".
