Roman Qriqorçuk: Hədəf Simurqa qarşı yaxşı oynayıb, qalib gəlməkdən ibarətdir
"Qəbələ"nin baş məşqçisi Roman Qriqorçuk Topaz Premyer Liqasının 29-cu turu çərçivəsində "Simurq"a qarşı keçirəcəkləri oyun öncəsi fikirlərini bildirib. Azerisport.az saytına açıqlamasında o, bunları söyləyib:
"AZAL-la son oyunumuzdan cəmi üç ün keçib. Ona görə də "Simurq"la görüşə ciddi hazırlıqdan, məşq prosesindən söhbət gedə bilməz. Məqsəd sadəcə, bu oyuna qədər mümkün qədər yaxşı bərpa olmaqdır. Oyuna qədər komandanı yaxşı vəziyyətə gətirmək istəyirik. Bu oyun Avropa Liqasına vəsiqə qazanmaq baxımından əhəmiyyətlidirmi? Düşünmürəm ki, bu oyun xüsusi və vacibdir. Digər oyunlarımız da eyni dərəcədə əhəmiyyət daşıyır. Sadəcə, bu görüşü dördüncü yer uğrunda və altı xallıq qarşılaşma adlandırmaq olar. Bizim hədəfimiz də mümkün qədər yaxşı oynamaq və qalib gəlməkdir".
