Arif Əsədov Neftçinin yeni rəhbərliyinin komanda ilə görüşündən danışdı

"Neftçi"nin baş məşqçisi Arif Əsədov klubun yeni rəhbərliyinin komanda ilə görüşündən danışıb. Azerisport.az saytına açıqlamasında o, bunları söyləyib:

"Ötən gün klubun yeni rəhbərliyi bazanı ziyarət etdi, məşq öncəsi bizimlə görüşdü. Komandanın hər bir üzvü ilə tanış oldular. Uzun söhbət üçün vaxt yox idi. Ona görə də görüş qısa çəkdi. Komandanın şəraiti ilə tanış oldular. Bizə belə diqqət göstərmələri çox xoş oldu. Fikrimcə, yaxın günlərdə daha geniş görüş üçün də vaxt olacaq".