Ruslan Qurbanov: Malta ilə oyunda bizi qələbədən başqa heç bir nəticə qane etmir
Azərbaycan yığmasının və Xorvatiyanın "Hayduk" klubunun hücumçusu Ruslan Qurbanov AÇ-2016-nın seçmə mərhələsi çərçivəsində Maltaya qarşı keçiriləcək oyun öncəsi fikirlərini açıqlayıb. Azerisport.az saytına açıqlamasında o, öncə Xorvatiya çempionatının son turu çərçivəsində "Zaqreb"ə qarşı keçirdiyi oyundan (0:2) danışıb:
"Zaqreb"lə oyunda baş məşqçi mənə də şans verdi. Fikrimcə, o, məndən razı qaldı. Bu oyunda öz səhvlərimiz səbəbindən uduzduq. Hesab 0:1 olarkən penaltini dəyərləndirə bilmədik. Sonradan da ikinci qolu buraxdıq.
Robert Prosineçkiyə mənə dəvət göndərdiyinə görə təşəkkür edirəm. Çalışacağam ki, imkan daxilində yığmamıza faydalı olum. Malta ilə oyun maraqlı olacaq. Hədəfimiz üç xal qazanmaqdır. Başqa heç bir nəticə bizi qane etmir".
