Ruslan Qurbanov 11 dəqiqə oynadı, Hayduk uduzdu

Xorvatiya çempionatında 26-cı turun oyunları keçirilib. Azerisport.az xəbər verir ki, Azərbaycan yığmasının hücumçusu Ruslan Qurbanovun komandası - "Hayduk" da növbəti matçına çıxıb.

Sözügedən komanda səfərdə "Zaqreb"lə qarşılaşıb. Matç "Hayduk"un 0:2 hesablı məğlubiyyəti ilə başa çatıb. Ruslan matçın 79-cu dəqiqəsindən mübarizəyə qoşulsa da, komandasını məğlubiyyətdən xilas edə bilməyib.

Qeyd edək ki, Qurbanovun komandası hazırda 37 xalla 4-cü pillədə qərarlaşıb.