Millimizin futbolçusu oynamadı, komandası qalib gəldi

Türkiyə PTT 1-ci liqasında 25-ci turun oyunları keçirilib. Azerisport.az xəbər verir ki, Azərbaycan yığmasının sabiq müdafiəçisi Ufuq Budağın komandası - "Qaziantep BB" də növbəti matçına çıxıb.

Sözügedən komanda doğma meydanda "Orduspor"la qarşılaşıb. Matç qazianteplilərin 2:0 hesablı qələbəsi ilə başa çatıb. Budağın adı matçın iştirak ərizəsində yer almayıb.

Qeyd edək ki, "Qaziantep BB" hazırda 32 xalla 11-ci pillədə qərarlaşıb.