Ruslan Abışov: Qarşıda İnterlə oyundan da vacib görüşlər var
"Qəbələ"nin yarımmüdafiəçisi Ruslan Abışovun azerisport.az saytına müsahibəsi
- "İnter" üzərində qələbə ilə bağlı nə deyə bilərsiniz?
- Çempionluğa oynayan komandaya qarşı mübarizə apardıq. Taktiki cəhətdən ağıllı oynadıq və rəqibə heç bir şans vermədik. Fikrimcə, qələbəyə layiq idik. Buraxdığımız qol da təsadüfi oldu. Kiçik diqqətsizlikdən qol buraxdıq. Artıq bu oyunu unudub AZAL-la görüşə köklənməliyik.
- "Qəbələ" sanki doğma meydanda oynayırdı...
- Biz "İnter"i yaxşı analiz etmişdik. Bu oyuna çox yaxşı köklənmişdik. Bilirdik ki, "İnter" taktiki cəhətdən çox güclü komandadır. Onlara müdafiədən hücuma keçməyə imkan verməməliydik.
- "Qəbələ"nin artıq öz oyununu tapdığını demək olar?
- Biz hər oyuna qələbə üçün çıxırıq. İndi işlər ilin əvvəli ilə müqayisədə daha yaxşı gedir. Qarşıda bizim daha çətin oyunlarımız var. Sonadək mübarizə aparmaq lazımdır.
- Fasilə komandaya mənfi təsir etməyəcək ki?
- Mənə elə gəlir ki, əksinə, mənfi təsir edəcək. Son həftələr çox emosional alındı. Qoy oyunçularımız bir az istirahət etsin. Sonra yenidən yolumuza davam edərik.
- İstirahət hamıya aid olmayacaq. Bəzi oyunçular yığma komandalara yollanır...
- Bəli, bu, asan oyun olmayacaq. Malta da bizdən xal almaq istəyir. Amma əlimizdən gələni edəcəyik ki, qalib gələk. Xal toplamağa borcluyuq. Xal itkisi limiti başa çatıb.
