Mirbağır İsayev: Xorvatlar öz ustalıqlarını göstərdilər

Azərbaycanın U-17 yığmasının baş məşqçisi Mirbağır İsayev AÇ-nin elit mərhələsi çərçivəsində Xorvatiyaya qarşı keçirdikləri oyunu şərh edib. Azerisport.az xəbər verir ki, o, 0:4 hesablı məğlubiyyətlə bağlı bunları söyləyib:

"Uşaqlardan razıyam. Xarakter göstərdilər. Sadəcə, nəticədən narazıyam. Xorvatlar öz ustalıqlarını göstərdilər. Elə onların ikinci qolu nəyə desəz dəyərdi. İkinci hissədə rəqibə qarşı müqavimət göstərə bilmədik. Uşaqlar maksimum güclərini ortaya qoydular. Portuqaliya ilə oyunda bizi ancaq qələbə qane edəcək".