Kazım Birkan: Mirbağır İsayev olmasaydı, Stabekə keçidim alınmazdı
Azərbaycanın 17 yaşadək futbolçulardan ibarət yığmasının aparıcı üzvlərindən biri - Kazım Birkan azerisport.az saytının suallarını cavablandırıb.
- Böyük ehtimalla siz U-17-yə Portuqaliya, Serbiya və Xorvatiya ilə elit mərhələ oyunlarında kömək edə bilməyəcəksiniz...
- Zədə səbəbindən oynaya bilməyəcəyəm. Buna görə çox məyusam. Mənə hətta gəzmək də çox çətindir. Vaxtımın çox hissəsini yataqda keçirirəm.
- Belə vacib oyunlar öncəsi komandanın liderlərindən birini itirməsi çox üzücüdür...
- Mən də çox təəssüflənirəm ki, yığmamıza, Mirbağır İsayevə kömək edə bilməyəcəyəm. Onunla çalışmaq mənə çox şey verir. Çünki o, yığma üçün bu qədər iş görür. Kömək edə bilməyəcəyim üçün çox üzgünəm.
- Sizi kim əvəz edə bilər?
- Bütün oyunçularımız yaxşıdır. Komandada zəif futbolçu yoxdur. İnanıram ki, məşqçilər korpusu komandanı elit mərhələnin oyunlarına yaxşı hazırlayacaq. Komandamızdan qələbə gözləyirəm. Buna 100 faiz inanıram.
- Rəqiblər barədə nə deyə bilərsiniz?
- Çox çətin qrupdur. Xorvatiya ilə Avstriyada oynamışdıq (1:1). Bakıdakı oyunlar da çox maraqlı olacaq. Ümid edirəm ki, sonda Azərbaycan yığması turnir cədvəlində birinci yerdə qərarlaşacaq. Biz rəqiblərimizi intizam baxımından üstələyirik.
- Norveç "Stabek"inə keçidiniz necə alındı?
- Bu klubun rəmsiləri mənim oyunlarını izləyibmiş və xoşlarına gəlmişəm. Əgər Mirbağır İsayev olmasaydı, mən ora keçə bilməzdim. O, həmişə bizə dəstək olur.
- Azərbaycandan təklif yox idi?
- Bundan xəbərim yoxdur. Bu işlərlə mənim menecerim məşğul olur.
