Fərrux İsmayılov: Bizim dövrümüzdə çempionata maraq daha böyük idi

Azərbaycan yığmasının sabiq hücumçusu Fərrux İsmayılovun azerisport.az saytına müsahibəsi

- Premeyr Liqanın cari mövsümü ilə bağlı nə deyə bilərsiniz?
- Çempionat öz axarı ilə gedir. Amma maliyyə çətinlikləri bəzi klublarımıza təsirini göstərib.

- Çempionata xüsusi maraq olmadığı fikri ilə razısınız?
- Dediyim kimi, maliyyə problemləri öz sözünü deyir.

- Bəs hansı komandaları xüsusi vurğulaya bilərsiniz?
- Bu mövsüm "Simurq"la AZAL mənim daha çox xoşuma gəlir. Onların oyununda müsbətə doğru dəyişikliklər var. Onları izləmək çox xoşdur.

- Çempionat indi siz oynadığınız dövrdən nə ilə fərqlənir?
- O zaman çempionata maraq indikindən daha çox idi. Çünki region komandaları daha güclü idi. İndi bunu görmürük.

- Bəs bunun üçün nə etmək lazımdır?
- Oturub düşünmək lazımdır. Yəqin ki, bundan çıxış yolları var. Sponsorlar komandalara daim kömək etməlidirlər, yarıyolda buraxmamalıdırlar.

- Keçmiş klublarınızın oyunlarını izləyirsiniz?
- Bəli, imkan daxilində izləməyə çalışıram.

- Yığmamızın Malta ilə seçmə mərhələ oyunundan nə gözləyirsiniz?
- Ancaq qələbə. Hətta heç-heçə də məni qane etməyəcək. Görək yeni baş məşqçi ilə millimiz necə təsir bağışlayacaq.

- Məgər onun işinə bir oyuna görə qiymət vermək olar?
- Baxır nəticənin və oyunun necə olmasına. Komandamızın ifasında hücum futbolu izləməyi çox istərdim.