Prosineçki və Karambe Avropa Oyunlarındakı rəqiblərimizi açıqladı

Bakıda təşkil olunacaq Avropa Oyunlarının proqramında yer alan idman növlərindən biri də çimərlik futboludur. Azerisport.az xəbər verir ki, bu gün sözügedən idman növü üzrə püşkatma mərasimi keçirilib.

Turnirdə 8 komanda iştirak edəcək. Bunlardan biri də Azərbaycan yığması olacaq.

Püşkatmadan Azərbaycanın əsas futbol yığmasının baş məşqçisi Robert Prosineçki, eləcə də Avropa çempionu Kristian Karambe iştirak edib.

Azərbaycan yığması A qrupunda yer alıb. Rəqiblərimiz isə Portuqaliya, İsveçrə və Ukrayna olacaq.

B qrupunda isə Rusiya, İtaliya, İspaniya və Macarıstan yer alıb.