İbrahim Şehiç: Yığmaya qayıtmağımı səbrsizliklə gözləyirəm

"Qarabağ"ın qapıçısı İbrahim Şehiç Bosniya və Herseqovina yığmasına dəvət almasına münasibət bildirib. Azerisport.az xəbər verir ki, o, bunları söyləyib:

"Ölkənin əsas komandasına dəvət almağım məni sevindirdi. Bu, böyük şərəfdir. Səbrsizliklə yığmanın düşərgəsinə qayıtmağı gözləyirəm. Çünki burada köhnə dostlarımı görəcəyəm. Eyni zamanda Bajdareviçlə, qapıçılarla məşqçi Luquşiçlə çalışacağıma görə şadam. Bu, mənim karyeramda böyük addımdır".

Yığmanın sabiq baş məşqçisi Safet Suşiçin onu DÇ-2014-ə aparmamasına da münasibət bildirən Şehiç bunları söyləyib: "Dünya çempionatına gedə bilməməyim çox üzücü idi. Amma Suşiç belə istədi və onun işinə qarışa bilməzdim".

Qeyd edək ki, Suşiçin istefasından sonra Bosniya və Herseqovina yığmasını Milan Bajdareviç çalışdırır.