Rəşad Abdullayev: Məni 3 oyunluq cəzalandıracaqlarını gözləmirdim

AZAL-ın kapitanı Rəşad Abdullayev AFFA İntizam Komitəsi tərəfindən Topaz Premyer Liqasının son turunda keçirilmiş "Bakı" ilə oyundakı davranışına görə üç oyunluq cəzalanmasına münasibət bildirib. Azerisport.az saytına açıqlamasında o, bunları söyləyib:

"Məni üç oyunluq cəzalandıracaqlarını gözləmirdim. Maksimum iki oyunluq cəzalanacağımı düşünürdüm. Mənə qarşı rəqib futbolçu çox kobud oynadı. Mən də öz narazılığımı kobud şəkildə bildirdim. Amma başqa heç bir kobudluq etmədim. Təəssüf ki, komandamın vacib oyunlarında meydana çıxa bilməyəcəyəm. Ümid edirəm ki, klubum bu qərardan apellyasiya şikayəti verəcək".