Premyer Liqada 10 klub olacaq, legioner limiti dəyişməz qaldı, gənc oyunçuların maaşına limit qoyuldu

Topaz Premyer Liqasının növbəti mövsümü də 10 komandadan ibarət olmaqla keçiriləcək. Azerisport.az xəbər verir ki, bu barədə AFFA İcraiyyə Komitəsinin bu gün keçirilən iclasında qərar qəbul edilib.

Sonuncu yeri tutan komanda elitanı tərk edəcək və birinci divizionda mübarizə aparmalı olacaq. Belədə, "Rəvan"la "Zirə" Premyer Liqada oynamaq şansı qazanacaq.

Qeyd edək ki, hazırda Premyer Liqanın sonuncusu "Bakı"dır. Bu üzdən də elitanı tərk edən komandanın paytaxt klubu olacağı şübhə doğurmur.

Legioner limiti əvvəlki qaydasında qalacaq – 6+4+1.

21 və 23 yaşadək futbolçuların maaşına da limit tətbiq edilib. Belə ki, 21 yaşadək futboçular 30 000 manatadək, 23 yaşadək oyunçular isə 50 000 manatadək qazanc əldə edəcək. Yığma üzvü olanlar isə 50 faiz artımla maaş ala biləcək. Əgər hansısa futbolçu göstərilən məbləğdən artıq qazanc əldə etsə, o, 1 il müddətinə futboldan kənarlaşdırılacaq.