Dmitri Bezotosnı: Simurqa məğlubiyyəti şərh etmək üçün söz tapa bilmirəm

"Qəbələ"nin qapıçısı Dmitri Bezotosnı Azərbaycan Kubokunun 1/4 final mərhələsi çərçivəsində "Simurq"a qarşı keçirdikləri ilk oyunu şərh edib. Azerisport.az saytına açıqlamasında o, bunları söyləyib:

"Dünənki oyunu şərh etmək üçün söz də tapa bilmirəm. Dünən hamının məndən gözlədiyi oyunu sərgiləyə bilmədim. Özüm də başa düşürəm ki, bu, tam bir anlaşılmazlıq idi. Sadəcə, alınmadı. Komandamı pis vəziyyətdə qoydum. İlk imkandaca göstərmək istəyirəm ki, bu, bir təsadüf idi. Böyük hesablı məğlubiyyətə baxmaayraq, kubokdakı çıxışımızın başa çatdığını düşünmürəm. Cavab oyununda mübarizəni davam etdirmək üçün əlimizdən gələni edəcəyik".