Yığmamız Belarusa uduzdu

Türkiyənin Antalya şəhərində təlim-məşq toplanışında olan 16 yaşadək futbolçulardan ibarət Azərbaycan yığması bu gün yoxlama oyunu keçirib. Azerisport.az xəbər verir ki, futbolçularımız Belarusun U-17 komandası ilə qarşılaşıb.

Bakı vaxtı ilə saat 14:00-da başlayan oyun millimiz üçün uğursuz alınıb. Futbolçularımız meydandan 1:2 hesablı məğlubiyyətlə ayrılıblar. Komandamızın yeganə qolunu Pilağa Mehdiyev vurub.

Xocalı faciəsinin 23-cü ildönümü ilə əlaqədar yığmamız meydana qara sarğı ilə çıxıb.

Yoxlama oyunu
24 fevral

Azərbaycan (U-16) - Belarus (U17) - 1:2 (1:2)