Emil Balayev: Yığmamızın çoxlu yaxşı qapıçısı var
Azərbaycan yığmasının və Almaniyanın "Ayntraxt" klubunun qapıçısı Emil Balayevin azerisport.az saytına müsahibəsi
- İstanbuldakı hava şəraitinin pis olması səbəbindən yığmaya ən gec qoşulan siz oldunuz. Artıq hazırlıq prosesinə qoşula bilmisiniz?
- Bəli. Təəssüf ki, məlum səbəblərdən ilk məşqdə iştirak edə bilmədim. Artıq hər şey qaydasındadır. Ukrayna "Şaxtyor"u ilə oyuna hazırlaşırıq.
- "Ayntraxt"dakı işləriniz necə gedir?
- Alman dilini yenicə öyrənməyə başlamışam. İngilis dilini bilsəm də, asan deyil. Hələlik, hamıyla ingiliscə danışıram, amma yerli dili də öyrənmək lazımdır.
- Alman dilini öyrənsəniz, Robert Prosineçkiylə də ünsiyyət qurmaqda çətinlik çəkməyəcəksiniz...
- Bəli, bu, təbii ki, bir üstünlükdür. O, çoxlu dil bilir.
- "Ayntraxt"da və yığmada qapıçılarla iş çoxmu fərqlidir?
- Deməzdim ki, çox fərqlənir. Faiq Əzizov (yığmanın qapıçılarla işləyən məşqçisini nəzərdə tutur - red.) çox yaxşı mütəxəssisdir. Onun tələbləri də "Ayntraxt"ın məşqçilərinin tələbləri kimidir. Hamısı eyni səviyyədədir.
- Klubunuzda qapıçılarla rəqabət nə yerdədir?
- Söhbətlər dolaşır ki, Feliks Vidvald mövsümün sonunda gedəcək, Kevin Trappın isə 2019-cu ilədək müqaviləsi var. Mümkündür ki, növbəti mövsümdən əsas qapıçılar Trappla mən olum.
- Bəs yığmada?
- Millinin çoxlu yaxşı qapıçısı var. Rəqabət çox ciddidir. Amma mən çalışacağam ki, milli məşqçilərinin etimadını qazanım və bir nömrə olum.
