Tahir Gözəl: Yeni transfer etməməyimiz Qurban Qurbanovun siyasətidir
"Qarabağ"ın vitse-prezidenti Tahir Gözəl komandasının transfer siyasətindən danışıb. Azerisport.az xəbər verir ki, o, bunları söyləyib:
"Yeni transferin olmaması tamamilə Qurban Qurbanovun siyasətidir. Biz də dedik ki, əgər arzunuz oyunçu almaqdırsa, biz bunu klub olaraq dəstəkləyəcəyik. Qurbanov qış fasiləsi zamanı iki futbolçuya baxdı, amma razılaşa bilmədilər. Biz heç vaxt məşqçilərə etiraz, onların peşəkar gedişlərinə isə müdaxilə etmirik. Bizim işimiz komandada ruh yüksəkliyi yaratmaq, məşqçilər korpusunun istəyini cavablandırmaqdır. Qurban Qurbanovdan elə bir istək gəlməyib. Gəlsəydi, müsbət cavab verərdik. Mən də ona dedim ki, bir-iki oyunçu alsaydıq, daha yaxşı olardı. Dedi ki, istədiyim oyunçunu tapa bilmədim. O, Çumbinyonun qayıtmasını gözləyir. Muaremin "Əskişəhərspor"la apardığı danışıqlara gəlincə, düzünü deyim ki, biz onu buraxmaq istəmədik. Çünki ona ehtiyacımız var. Qurbanov da yeni oyunçu tapa bilmədiyinə görə, Muaremi buraxmadı".
