Aqil Məmmədov: Artıq biz çempionluğu unutmalıyıq

"Neftçi"nin qapıçısı Aqil Məmmədov Topaz Premyer Liqasının 23-cü turu çərçivəsində "Qarabağ"a qarşı keçirdikləri oyunu şərh edib. Azerisport.az saytına açıqlamasında o, bunları söyləyib:

"Biz pis oynamadıq. Amma "Qarabağ" da "Qarabağ"dır. Onların daha çox qol vəziyyətləri oldu. Təəssüf ki, qapımızı toxunulmaz saxlaya bilmədik. Qurban Qurbanovun mətbuat konfransında məni tərifləməsindən xəbərim var. Əgər rəqib komandanın baş məşqçisi haqqımda belə sözlər işlədibsə, deməli, meydana əbəs yerə çıxmamışam. Liderdən 13 xal geri qalırıq və bu, çox böyük fərqdir. Fikrimcə, artıq çempionluğu unutmaq olar. "Qarabağ" dünən göstərdiyi oyunla bir daha sübut etdi ki, bu mövsüm heç kim uduzmayacaq. Biz isə ikinci yer uğrunda mübarizə aparacağıq".