Qarabağ - İnter matçı təkrar keçirilməyəcək, Zelinka cəzalana bilər

"Qarabağ"ın Avropa Liqasının qrup mərhələsi çərçivəsində İtaliya "İnter"inə qarşı keçirdiyi oyunun baş hakimi Mixail Zelinka cəzalana bilər. Azerisport.az xəbər verir ki, bu barədə Ağdam klubunun vəkili Gürur Qayə Günal məlumat verib.

"İclas başa çatdı. Qərar şifahi açıqlandı. Apellyasiya Komitəsi hakimin qərarının хətalı olduğunu və onun buna görə cəzalana biləcəyini bildirdi. Ancaq komitə tərəfindən matçın yenidən keçirilməsinə səbəb ola biləcək qayda pozuntusu olmadığı açıqlandı. Matç təkrar olunmayacaq".

Qeyd edək ki, Riçard Almeydanın təmiz qolunun sayılmaması nəticəsində matç 0:0 hesabıyla başa çatmış və növbəti mərhələyə Ukrayna "Dnepr"i adlamışdı.