AFFA Qarayevin Malaqaya keçidini əngəlləyən problemin həllinə çalışır
Azərbaycanın U-17 yığmasının hücumçusu Qara Qarayev İspaniyanın "Malaqa" klubuna keçməyə yaxındır. Azerisport.az xəbər verir ki, millimizin gənc forvardı artıq bir həftədən çoxdur ki, sözügedən klubun düşərgəsində baxışdadır.
AFFA-nın baş katibi Elxan Məmmədov Qarayevin "Malaqa"ya mümkün keçidi ilə bağlı bunları söyləyib:
"Malaqa" Qarayevlə müqavilə imzalamaq istəyir. Amma burada bir məqam var. Azərbaycan Avropa Birliyinin üzvü deyil. Buna görə də bizim ölkənin 18 yaşdan kiçik olan vətəndaşlara AB üzvü olan ölkələrdə yaşamaq qadağan olunub. Hazırda bu problemi yoluna qoymağın həlli ilə məşğuluq. İstisna deyil ki, hansısa ispan ailəsi onu öhdəçiliyinə götürsün. Məsələn, gürcüstanlı gənc futbolçular İspaniyadakl problemlərini məhz bu yolla həll edirlər".
