Matiya Şpiçiç: İnterlə yeni müqavilə yeni baş məşqçidən asılı olacaq

"İnter"in yarımmüdafiəçisi Matiya Şpiçiçin azerisport.az saytına müsahibəsi

- Uzun müddət idi yaşıl meydanlardan kənar qalmışdınız. Hazırda vəziyyətiniz necədir?
- Xoşbəxtəlikdən hazırda heç bir ağrı hiss etmirəm. Normal məşq edirəm. "Xəzər Lənkəran"la oyundakı çıxışıma görə nəticə çıxarmaq olmaz. Mən sadəcə, öz şansımdan istifadə etdim. Qalan hər şeyə baş məşqçi qərar verir.

- Yada "İnter"də baş məşqçi dəyişikliyi olacaq. Sizcə, bu, komanda üçün itki olacaq?
- Mənə elə gəlir ki, itki olacaq. Çünki bu məşqçi altı ildir bu komandanı çalışdırır. Hər mövsüm çempionluq uğrunda mübarizə aparırıq. Amma bu, həyatdır, hər il nəsə dəyişir. Baş məşqçimizə Gürcüstan yığmasında uğurlar arzulayıram.

- Bəs siz "İnter"də qalacaqsınız?
- Bu barədə danışmaq hələ tezdir. Yeni müqavilə gələcək baş məşqçidən asılıdır. "İnter"də xoşbəxt olduğumu deyə bilərəm. Amma rəhbərliklə yeni müqavilə ilə bağlı heç bir söhbətimiz olmayıb.

- "Xəzər Lənkəran"a vurduğunuz qol Xorvatiya mətbuatının da diqqət mərkəzində oldu...
- Hə, onlar daima ölkə xaricində çıxış edən futbolçularımızın çıxışını diqqətdə saxlayırlar.

- "İnter"in bu mövsüm çempion olması nə dərəcədə realdır?
- Bu mövsüm bizim çox yaxşı kollektivimiz var. Fikrimcə, biz çempionluq uğrunda mübarizə aparacaq gücdəyik. Əsas hər oyunda 3 xal qazanmaqdır.