Nikolas Kanales: Mənim əsas heyətdə oynamağım Nforun cəzalanması ilə əlaqədar deyil

"Neftçi"nin hücumçusu Nikolas Kanalesin azerisport.az saytına müsahibəsi

- "Xəzər Lənkəran" üzərindəki qələbə ilə bağlı nə deyə bilərsiniz?
- Komandanaın oyunundan və nəticədən razıyam. Prinsipial rəqiblə oyunda qalib gəldik. Belə bir uğura imza atmaq isə həmişə xoşdur.

- Ernest Nfor əvəzedici komandaya göndəriləndən sonra Rauf Əliyevlə siz qalmısınız. Bu, "Xəzər Lənkəran"la oyunda olduğu kimi, sizin əsas heyətdə meydana çıxmaq şansınızı artırır?
- Mənim ilk dəqiqələrdən meydana çıxmağım Nforun gedişi ilə bağlı deyil. Meydana daha yaxşı hazır olanlar çıxır.

- Belə prinsipial oyunda rəqib azarkeşlər olmadan oynamaq necədir?
- Bu, mənim üçün qəribə görünür. Əgər bu, derbidirsə, hər iki komandanın azarkeşi tribunada olmalıdır. Fikrimcə, bu, bütövlükdə, oyuna az təsir göstərmir.

- XL üzərindəki qələbə komandanızın oyununda nəyisə dəyişəcək?
- Bu, komandadakı atmosferi daha da yaxşılaşdıracaq. Bizə sadəcə, bir qol lazım idi ki, açılaq. Ondan sonra daha keyfiyyətli hücumlar qurmağa, təzyiqsiz oynamağa başladıq.

- Qarşıda "Qəbələ" ilə oyun var...
- Qəbələdə oynamaq həmişə çətin olub. Ümumiyyətlə, bizim üçün asan oyun yodur. Qəbələlilər öz meydanlarında yaxşı oynayırlar. Bərpa üçün vaxt azdır, amma biz hələ ora səfərə də yollanmalıyıq.