İlk cənubi amerikalı
“Neftçi”nin futbolçusu Denis Silva Azərbaycan çempionatlarında 150-ci oyununu keçirib. Azerisport.az xəbər verir ki, 30 yaşlı braziliyalı müdafiəçinin yubileyi vaxtilə şərəfini qoruduğu “Xəzər Lənkəran”la qarşılaşmaya təsadüf edib.
Premyer Liqada cənub təmsilçisinin heyətində debüt edən Denis 150-yə bu komanda ilə görüşdə çatıb. Azərbaycan çempionatlarında yalnız iki klubun formasını geyən arxa xətt oyunçusu ölkəmizdəki 8 mövsümdə 8 qol vurub.
mövsüm | Klub | oyun | qol |
2007/08 | Xəzər Lənkəran | 11 | 0 |
2008/09 | Xəzər Lənkəran | 15 | 3 |
2009/10 | Xəzər Lənkəran | 16 | 0 |
2010/11 | Neftçi (Bakı) | 29 | 1 |
2011/12 | Neftçi (Bakı) | 30 | 1 |
2012/13 | Neftçi (Bakı) | 14 | 1 |
2013/14 | Neftçi (Bakı) | 25 | 1 |
2014/15 | Neftçi (Bakı) | 10 | 1 |
Cəmi | Xəzər Lənkəran | 42 | 3 |
Cəmi | Neftçi (Bakı) | 108 | 5 |
Cəmi | 150 | 8 |
Braziliyalıya qədər milliləşənlər də daxil olmaqla, 8 legioner Premyer Liqada 150 və daha çox oyun keçirmişdi. Denis bu siyahıya 9-cu oyunçu kimi daxil olub. O, çempionatda ən çox matç keçirən cənubi amerikalı olduğundan, 150-yə çatan ilk belə futbolçudur.
yer | Futbolçu | oyun |
1 | Aleksandr Çertoqanov | 255 |
2 | Vladimir Levin | 231 |
3 | Arif Daşdəmirov | 222 |
4 | Usim Nduka | 208 |
5 | Viktor İqbekoyi | 207 |
6 | Georgi Adamiya | 198 |
7-8 | Tagim Novruzov | 167 |
7-8 | Admir Teli | 167 |
9 | Denis Silva | 150 |
