Ruslan Abışov: Bezotosnı qırmızı vərəqəyə layiq deyildi
"Qəbələ"nin müdafiəçisi Ruslan Abışov Topaz Premyer Liqasının 21-ci turu çərçivəsində "Simurq"a qarşı keçirdikləri oyunu şərh edib. Azerisport.az saytına açıqlamasında o, bunları söyləyib:
"Çətin olacağını bilirdik. Rəqibimiz öz meydanında həmişə təhlükəli olur. Hər şeyi Dmitri Bezotosnının meydandan qovulması həll etdi. Mənim epizodun təkrarına baxdım və deyim ki, qapıçı orada topa oynamışdı və heç bir qayda pozuntusu yox idi. Amma əvəzində qapımıza penalti təyin etdilər və qapıçımız meydandan qovuldu. Buna baxmayaraq, ikinci hissədə yaxşı oynadıq. Artıq "Neftçi" və "Xəzər Lənkəran"la oyunlara hazırlaşmalıyıq. Qələbə qazanmaq lazımdır. Son iki oyunda sol cinah müdafiəçisi kimi oynamağımda problem görmürəm. Baş məşqçi harada deyirsə, orada da oynayıram. Əsas harada oynamağım yox, necə oynamağımdır. Komandama faydalı olmağa çalışıram".
