Simurqun ispan futbolçusunun durumuna bu gün aydınlıq gələcək

Topaz Premyer Liqasının 21-ci turunun "Simurq" - "Qəbələ" oyunu meydan sahibləri üçün uğurlu alınsa da, bir itki ilə üzləşdilər. Azerisport.az xəbər verir ki, 2:0 hesabıyla qalib gələn Zaqatala təmsilçisinin yeni transferlərindən olan Xuan Alberto Alvardo zədələnərək oyunu davam etdirə bilmədi.

Çiynindən zədələnən futbolçunun durumunun nə dərəcədə ağır olduğu hələlik, bəlli deyil. İspaniyalı bu gün həkim müayinəsindən keçəcək və yalnız bundan sonra ona dəqiq diaqnoz qoyulacaq.