Bakı və Neftçinin futbolçuları AFFA-nın keçirdiyi turnirlərin qalibi oldu

AFFA-nın təşkilatçılığı ilə 10, 11, 12 və 13 yaş qrupuna daxil olan uşaqlardan təşkil olunmuş komandalar arasında keçirilən Klublarda Futbol Akademiyası turnirinə yekun vurulub. Azerisport.az xəbər verir ki, turnirdə "Neftçi" və "Bakı" klublarının yetirmələri daha üstün olublar.

Belə ki, "Neftçi"nin U-10 və U-11 komandaları rəqiblərindən daha üstün olub. "Bakı"nın isə U-12 və U-13 komandaları çempion adını qazanıb.

Qeyd edək ki, bu klublarla yanaşı, "Sumqayıt", "Qarabağ", "Rəvan", AZAL və "Qəbələ" də müvafiq yaş qrupları üzrə komandaları ilə sözügedən turnirdə təmsil olunub. (AFFA)