Vüqar Nadirov: Əsas hədəf hər oyunda 3 xal qazanmaqdır
"Qarabağ"ın hücumçusu Vüqar Nadirovun azerisport.az saytına müsahibəsi
- "Bakı"ya qarşı oyun (4:1) barədə nə deyə bilərsiniz?
- Maraqlı oyun alındı. Bilirdik ki, "Bakı" yaxşı komandadır, gənclərdən ibarət kollektivi var. Futbol oynamaq istəyində olduqları hiss olunurdu. Bizə isə qələbə lazım idi, buna da nail olduq.
- "Bakı"nın maliyyə problemlərindən xəbəriniz var?
- Bəli.
- Buna görə arxayınlıq yox idi?
- Xeyr. Çünki onların çox yaxşı heyəti var.
- Hesab daha böyük ola bilərdi. Elə siz bir epizodu boşa verdiniz...
- Bu, qış fasiləsindən sonrakı ilk oyunumuz idi, belə hallar olur. Əsas odur ki, digər şanslardan maksimum yararlandıq.
- "Qarabağ"ın hücumçuları fərqlənə bilmirlər...
- Futbolda belə hallar olur. Əsas hədəf hər oyunda üç xal qazanmaqdır. Qalan hər şey ikinci planda olan məsələlərdir.
- UEFA-nın "Qarabağ" - "İnter" matçı barədə qərarını necə qarşıladınız?
- Düzünü deyim ki, qərarın bizim lehimizə olacağına ümid edirdim. Amma qismət olmadı. Heç hakimi də cəzalandırmadılar. Əgər hakim cəzalansaydı, yenə bir qədər sakitləşərdik. Amma nə etmək olar? Növbəti avrokuboklar mövsümünə hazırlaşmaq lazımdır.
