Eddi İsrafilov: Hədəfim İspaniya çempionu olmaq və dünya çempionatında oynamaqdır
Azerisport.az sizi Azərbaycan yığmasının və İspaniyanın "Qranada" klubunun yarımmüdafiəçisi Eddi İsrafilovun müsahibəsi ilə tanış edir.
- Qranadadakı həyatınız necə keçir?
- Əla. Mən burada çox xoşbəxtəm. Bu, yaxşı və müasir şəhərdir. Hərdən oynayıram. Amma daha çox oynamaq istərdim. Bu, mənim Primeroda ilk ilimdir. Səbr edib gözləmək lazımdır.
- Xoakin Kaparrosun istefasına münasibətiniz necədir?
- Bu, xoşagəlməz hal idi. Kaparros çox yaxşı insandır. Məhz onun rəhbərliyi altında mən Primeroda debüt etmək şansı qazandım. Hər şeyin yaxşı olacağına ümidliyəm.
- Dörd il ərzində siz "Nou Kamp" da daxil olmaqla, müxtəlif stadionlarda oynamısınız. Təəssüratlarınız?
- Arzum həyata keçdi. Əvvəllər bu stadionu televizordan görürdün, indi isə həmin arenada oynayırsan. Bundan daha yaxşı nə ola bilər?
- Primero ilə Sequnda arasında nə fərq var?
- Fərq böyükdür. Xüsusən də sürət və oyun keyfiyyəti baxımından.
- Primerodakı hədəfiniz nədən ibarətdir?
- Növbəti hədəfim İspaniya çempionu olmaq və dünya çempionatında oynamaqdır.
- "Real"la oyundan nə gözləyirsiniz?
- "Qranada"nın bu matçdakı əsas hədəfi üç xaldır.
- Sizə daha çox hansı mövqedə oynamaq rahatdır?
- Mən özümü daha çox müdafiə olunanda yaxşı hiss edirəm. Amma irəlidə oynamaq da komfortludur.
- Digər ölkələrdən də təkliflər var idi. Hansı çempionatda oynamağa razı olardınız?
- Bəli, təkliflər var idi. İngiltərə varıantı mövcud idi. Premyer Liqa məni cəlb edir. "Qranada" mənim buraya gəlməyim üçün xeyli güc sərf etdi.
- Azərbaycan yığmasını niyə seçdiniz?
- Mənim anam oralıdır. Mənim bu yığmada oynamağımı çox istəyirdilər. Bu, ətraflı düşünülmüş addımdır.
