Məhəmməd Mirzəbəyov: İnterin çempionluq şansından danışmaq tezdir
"İnter"in yarımmüdafiəçisi Məhəmməd Mirzəbəyovun azerisport.az saytına müsahibəsi
- Öncə Türkiyə toplanışı ilə bağlı təəssüratlarınızı bilmək istərdik...
- Yaxşı toplanış alındı. Əsas odur ki, zədəsiz ötüşdük və baş məşqçi hamıdan razı qaldı. Hazırda Bakıdayıq və "Sumqayıt"la oyuna hazırlaşırıq.
- Yoxlama oyunlarındakı nəticələriniz sizi çempionatda yanıltmayacaq?
- Düşünmürəm. İstənilən halda bizə baş məşqçinin oyunumuzdan razı qalması vacib idi. Elə də oldu.
- Yəni, "İnter" mövsümün qalan hissəsinə hazırdır?
- Zaman göstərəcək. Yaxşı hazırlaşmaq üçün əlimizdən gələni etdik.
- Sizcə, yığmanın baş məşqçisi Robert Prosineçkinin gözünə girməyi bacardınız?
- Fikrimcə, hə.
- "Sumqayıt"la oyundan nə gözləyirsiniz?
- Qələbə qazanmaq lazımdır. Eləcə də, sonrakı oyunlarımızda.
- Sizin gedişinizdən sonra "Sumqayıt"da nəsə dəyişib?
- Xeyr. Klub prezidenti Kamran Quliyevlə danışırıq. Bizim yaxşı münasibətimiz var idi və bu, hələ də qalır.
- "İnter"in çempion olmaq şansı nə dərəcədə yüksəkdir?
- Gəlin hadisələri qabaqlamayaq. İndidən bu barədə nəsə demək tezdir.
- Yayda komandanızın baş məşqçisi dəyişəcək. Bu xəbəri necə qarşıladınız?
- Bir şeyi bilirəm ki, baş məşqçimizin getməsi komandamız üçün böyük itki olacaq.
