Milinko Pantiç yenidən Bakıya qayıda bilər
"Bakı" klubu sabiq baş məşqçi Milinko Pantiçi geri qaytara bilər. Azərisport.az xəbər verir ki, ispan çalışdırıcı yenidən zolaqlıların sükanı arxasına keçə bilər.
Bu barədə məlumatı "Bakı"nın vitse-prezidenti Yaşar Seyidov verib: "Klubun prezidenti Hafiz Məmmədov İspaniya səfəri zamanı "Atletiko" rəhbərləriylə görüşüb. Görüş zamanı bir sıra məsələlər müzakirə olunub. Milinko Pantiç "Bakı" klubuna "Atletiko" tərəfindən məsləhət olmuşdu. İndi maliyyə problemi olduğu üçün onunla iş birliyini davam etdirə bilmədik. "Atletiko" Pantiçi yenidə Bakıya göndərə bilər. Bu zaman maliyyə məsələsini Madrid klubu həll edəcək. Eyni zamanda "Atletiko" əvəzedici heyətdən bir neçə futbolçunu bizə icarəyə verə bilər. Bu məsələlər müzakirə səviyyəsindədir. 2 il əvvəl biz "Atletiko"ya dəstək olmaqla onlara münasibətimizi göstərdik. İndi İspaniya komandasının bizə kömək etməsi normaldır"
