Bakı AZAL-a da uduzdu

Təlim-məşq toplanışını ölkəmizdə davam etdirən "Bakı" və AZAL klubları bu gün növbəti yoxlama matçına çıxıb. Azerisport.az xəbər verir ki, qarşılaşma "AZAL Arena"da baş tutub.

Saat 15:00-da başlayan oyun meydan sahiblərinin minimal hesablı qələbəsiylə başa çatıb.

Qeyd edək ki, "Bakı" bundan əvvəlki yoxlama matçlarında "Sumqayıt"a (1:5) və "İnter"in əvəzedici heyətinə (0:2) uduzmuşdu. AZAL isə iki dəfə "Sumqayıt"la (0:0, 1:0), bir dəfə də "Qaradağ Lökbatan"la qarşılaşmışdı - (2:2).

Yoxlama oyunu
22 yanvar

AZAL - "Bakı" - 1:0
Qol: Əsədov.