Bezotosnı: Çernomoretsin təklif etdiyi məbləğ məni qane etmədi

"Qəbələ"nin yeni transferi Dmitri Bezotosnı Ukraynanın "Çernomorets" klubundan ayrılmasının səbəbini açıqlayıb. Azerisport.az xəbər verir ki, o, Ukrayna mətbuatına açıqlamasında bunları söyləyib:

"Bu transferdə əsas məsələ heç də maliyyə məsələsi deyil. Sadəcə, "Çernomorets"də qeyri-müəyyənlik hökm sürürdü. Klub rəhbərliyi sabah nə olacağına dair mənə heç bir zəmanət verə bilmirdi. Ötən ilin sonunda rəhbərliklə görüşüm oldu. Məhz həmin görüşdən sonra başa düşdüm ki, orada vaxt itirməyin mənası yoxdur. Klub rəhbərliyi mənə verə biləcəkləri məbləği də açıqladılar. Amma həmin məbləğ məni qane etmədi".