Rəşad Sadıqov: Robert Prosineçki ilə görüş mənə əlavə stimul verdi
"Qarabağ"ın kapitanı Rəşad Sadıqov Xorvatiyanın "Split" klubuna qarşı keçirdikləri yoxlama oyununu şərh edib. Azerisport.az saytına açıqlamasında o, 1:3 hesablı məğlubiyyətlə bağlı bunları söyləyib:
"Çox maraqlı oyun alındı. Əlbəttə, uduzmaq arzuolunmaz deyildi. Amma xorvatlar bizdən yaxşı oynadılar. Hiss olunurdu ki, böyük təzyiq altında oynayırıq. Müdafiə xəttimizin zəif oynadığını deməzdim. Bütövlükdə, komandamız zəif oynadı. Uduzmaq istəməzdik. Birinci hissədə meydana bəzi gənc futbolçular çıxmışdı. Onlar üzərlərində işləsə, gələcəkdə əsas heyət oyunçuları ilə rəqabət apara bilərlər".
Komandanın kapitanı yığmamızın baş məşqçisi Robert Prosineçki ilə görüşündən də danışıb: "Görüşümüzün detalları barədə danışa bilmərəm. Sadəcə, onu deyə bilərəm ki, həmin görüş mənim üçün əlavə stimul oldu".
