"Roman Qriqorçukun gəlişi ilə Qəbələnin oyunu daha da yaxşılaşıb"

Ukraynanın "Vorskla" klubunun baş məşqçisi Vasili Saçko "Qəbələ"yə qarşı keçirdikləri yoxlama oyunundan danışıb. Azerisport.az saytına açıqlamasında o, 1:2 hesablı məğlubiyyətlə bağlı bunları söyləyib:

"Biz toplanışa yeni başlamışıq. "Qəbələ" xoşuma gəldi. Rəqib komandanın yaxşı heyəti var. Onların baş məşqçisi Roman Qriqorçuku yaxşı tanıyıram. Onun gəlişi ilə "Qəbələ"nin oyunu daha da yaxşılaşıb. Ona uğurlar arzulayıram. Bu oyuna gəlincə, bərabər səviyyəli mübarizə getdi. "Qəbələ"nin azacıq üstünlüyü vardı. Biz isə çoxlu səhvlərə yol verdik. Hücum xəttində daha yaxşı təsir bağışlamamağımızda rəqibin müdafiə xəttinni də əməyi vardı".