Qəbələ Adanasporla Vorskla üzərində qələbəyə sevindi
Türkiyədə təlim-məşq toplanışında olan "Qəbələ" bu gün qardaş ölkədəki hazırlıq prosesi çərçivəsində növbəti yoxlama oyunlarına çıxıb. Azerisport.az xəbər verir ki, bölgə klubu bir gündə iki sınaq matçı keçirib.
Sözügedən komanda üçüncü sınağında Türkiyənin "Adanaspor" klubu ilə qarşılaşıb. 5 qolun vurulduğu oyunda qələbəni Azərbaycan klubu bayram edib.
Bundan bir qədər sonra isə Ukraynanın "Vorskla" klubu ilə oyun gerçəkləşib. Oyunda hesabı Ukrayna klubu açıb. Amma ikinci hissədə iki qol vuran Azərbaycan klubu əzmkar qələbə qazanıb.
Qeyd edək ki, Roman Qriqorçukun komandası bundan öncə Hollandiyanın PSV klubunun ikinci heyəti (0:0) və Türkiyənin "Əskişəhərspor" (1:3) klubları ilə yoxlama oyunu keçirmişdi.
Yoxlama oyunu
17 yanvar
"Qəbələ" - "Adanaspor" - 3:2 (1:1)
Qollar: B.Mustafazadə, 35 (1:1). Markinyos, 65-pen (2:1). E.Ehiosun, 83 (3:2).
"Qəbələ"nin bu oyun üçün start heyəti: Kamran Ağayev, Cavid Hüseynov, Aleksandru Benqa, Murad Musayev, Şirməhəmməd Məmmədov, Markinyos, Muxtar Əliyev, Ekiqo Ehiosun, Tellur Mütəllimov, Bəhlul Mustafazadə, Ruslan Əmircanov.
"Qəbələ" - "Vorskla" - 2:1 (0:1)
Qol: R.Fomin, 47 (1:1). C.Hüseynov, 86 (2:1).
"Qəbələ"nin start heyəti: 30. Anar Nəzirov, 34. Ürfan Abbasov, 44. Rafael Santos, 15. Ruslan Abışov, 16. Ruslan Tağızadə, 4. Elvin Camalov, 19. Aleksey Qay, 6. Rəşad Sadiqov, 14. Cavid Hüseynov, 27. Bəxtiyar Soltanov, 18. Ruslan Fomin.
Ehtiyat oyunçular: 22. Dmitri Bezotosnı, 25. Adrian Ropotan, 9. Viktor Mendi, 5. Sadiq Quliyev.
