Bezotosnı: Antalyaya gedib danışmaq, hər şeyə nöqtə qoymaq lazımdır

Ukraynanın "Çernomorets" klubunun sabiq kapitanı Dmitri Bezotosnı yeni iş yeri axtarışından danışıb. Azerisport.az xəbər verir ki, təcrübəli qapıçı yerli mətbuata açıqlamasında bunları söyləyib:

"Ukrayna Premyer Liqasındakı klubların heç birindən konkret və yüz faizlik təklif almamışam. Türkiyəyə toplanışa gedirəm. Bu, hazırda deyə biləcəyim yeganə məlumatdır. Hər şeyə qarşıdakı günlərdə aydınlıq gələcək. Maraqlananlar, təklif göndərənlər var. Amma hər şeyi yerində danışıb, nöqtə qoymaq üçün Antalyaya getməliyəm".

Qeyd edək ki, "Qəbələ"nin baş məşqçisi Roman Qriqorçukun rəhbərliyi altında oynamış futbolçunun Azərbaycan klubuna keçidi gündəmdədir. Qəbələlilər də hazırda Antalyada təlim-məşq toplanışındadılar.