Yığmamız türklərə ardıcıl 3 oyunda uduzdu

Xəbər verdiyimiz kimi, Azərbaycanın 17 yaşadək qızlardan ibarət futbol yığması Türkiyədə təlim-məşq toplanışındadır. Azerisport.az xəbər verir ki, millimiz hazırlıq prosesi çərçivəsində 3 yoxlama oyunu keçirib.

İlk oyununda yerli "1207 Antalya Muratpaşa Bələdiyəspor" komandasına 0:2 hesabıyla uduzan təmsilçimiz bu rəqiblə daha iki oyun keçirib. Həmin oyunlarda da millimiz meydanı məğlubiyyətlə tərk edib. Futbolçularımız hər iki oyunda 1:3 hesabıyla uduzublar.