Sumqayıt divizion klubu ilə heç-heçə etdi

Çempionatın 3 və 4-cü dövrəsi üçün hazırlığını davam etdirən "Sumqayıt" Futbol Klubunun əvəzedici komandası ilk yoxlama oyununu keçirib. Azerisport.az xəbər verir ki, Samir Abasovun komandası "Kapital Bank Arena"da 1-ci divizion təmsilçisi "Şuşa" ilə üz-üzə gəlib.

Qarşılaşmada kifayət qədər qol imkanları olsa da, qapılar toxunulmaz saxlanılıb.

Xatırladaq ki, "Sumqayıt"ın əvəzediciləri növbəti yoxlama oyununu yanvarın 14-də saat 13:00-da "Kapital Bank Arena"da "Neftçala"ya qarşı keçirəcək. (klub saytı)