Qəbələ PSV ilə sülh bağladı
Türkiyədə təlim-məşq toplanışında olan “Qəbələ” bu gün ilk yoxlama oyununu keçirib. Azerisport.az xəbər verir ki, 2015-ci ilin ilk sınağında “qırmızı-qaralar” Hollandiyanın PSV klubunun ikinci komandası ilə qarşılaşıb.
Bakı vaxtı ilə saat 17:30-da başlayan görüş baş məşqçi Roman Qriqorçukun rəhbərliyi altında birinci qarşılaşma olub. Oyun qolsuz başa çatıb.
Ukraynalı mütəxəssis hollandiyalılarla matçda meydana bu “11-liy”i buraxıb: Anar Nəzirov, Ürfan Abbasov, Aleksandru Benqa, Ruslan Abışov, Ruslan Tağızadə, Elvin Camalov, Aleksey Qay, Dodo, Cavid Hüseynov, Bəxtiyar Soltanov, Ulisse Diallo.
Hollandiyalılar isə matça bu heyətlə başlayıb: Jesse Bertrams, Augustine Loof, Hjörtur Hermannsson, Jordy de Wijs, Suently Alberto, Clint Leemans, Moussa Sanoh, Farshad Noor, Boris Cmiljanic, Andrija Lukovic, Andjelo Budovic.
Yoxlama oyunu
10 yanvar
Qəbələ - PSV-2 0:0
