Bernard Lippert: Azərbaycanda tətbiq olunan legioner limitindən razıyam

AFFA-nın texniki direktoru Bernard Lippert legioner limiti ilə bağlı fikirlərini açıqlayıb. Azerisport.az saytına açıqlamasında o, bunları söyləyib:

"Rusiya və Türkiyədə legioner limitinin dəyişdirildiyini eşitmişəm. Amma Azərbaycanda tətbiq olunan limitdən razıyam. Əsas oyun təcrübəsidir. Müxtəlif yaş qrupları üzrə çempionatlar var ki, oradan çoxlu istedadlı oyunçu çıxır. Təbii ki, onların da hər biri Premyer Liqada oynamaq istəyir. Mənə elə gəlir ki, çempionatda yerli futbolçular daha çox forma geyməlidirlər. Məsələn, legioner limitindəki son dəyişikliyin ardından gənclərdən ibarət yığmamız daha yaxşı oynamağa başlayıb. Rəhman Hacıyev İsraillə oyunda fərqləndi. Kim deyə bilərdi ki, o, özünə klub tapa bilər?"