XL bolqar futbolçu üçün 100 000 ödəməyə hazırdır

"Xəzər Lənkəran" Bolqarıstanın ÇSKA klubunun yarımmüdafiəçisi Boris Qalçevi transfer edə bilər. Azerisport.az xəbər verir ki, cənublular 31 yaşlı xavbek üçün 100 000 dollar ödəməyə hazır olduqlarını bildiriblər.

Tərəflərin bu həftə danışıqları yekunlaşdırması və Qalçevin "ağ-yaşıllar"ın düşərgəsinə qoşulması gözlənilir.

XL bu komandanın digər üzvü Edenilson Berqonsiyə görə də oxşar məbləğ ödəməyə hazır olduqlarını desə də, bolqarlar braziliyalı futbolçunun 100 min dollardan baha olduğunu diqqətə çatdırıblar.