Simurq Almaniya, Rumıniya, Qazaxıstan və Əlcəzair klubları ilə qarşılaşacaq

"Simurq"un Türkiyə toplanışı zamanı yoxlama oyunu keçirəcəyi rəqiblərin kimliyi müəyyənləşib. Azerisport.az xəbər verir ki, Zaqatala klubu öncə yanvarın 13-də Əlcəzairin "El Eulma" komandası ilə qarşılaşacaq.

Yanvarın 15-də Almaniyanın "Duysburq", ayın 18-də Qazaxıstanın "İrtış", 21-də isə Rumıniyanın "Astra" klubları ilə yoxlama oyunları nəzərdə tutulub.

"Simurq" yanvarın 24-də daha bir oyun keçirməyi planlaşdırsa da, həmin oyun üçün rəqib müəyyənləşməyib.