İmamverdiyev: İlk dəfə ölkə xaricində oynadığıma görə ailəmə mənsiz çətindir
Türkiyənin "Elazığspor" klubunun azərbaycanlı yarımmüdafiəçisi Cavid İmamverdiyev komandadan getmək istəməsinin səbəblərindən danışıb. Azerisport.az xəbər verir ki, o, Türkiyə mətbuatına açıqlamasında bunları söyləyib:
"Mən klubumu da, azarkeşlərimizi də çox sevirəm. Amma atamın səhhətinin pisləşməsi səbəbindən vətənimə dönməyə məcburam. Ailəmə mənsiz çox çətindir. Çünki heç vaxt ölkəmdən kənarda oynamamışam. Bu barədə baş məşqçi Ümit Özatla da danışmışam. Ona vəziyyəti izah etmişəm. Onunla heç bir problemim yoxdur. Klub prezidenti qayıdanda onunla vəziyyəti müzakirə edib, gələcək taleyimə aydınlıq gətirəcəyik".
"Elazığspor"un idman direktoru Mehmet Kaplan bəyan edib ki, İmamverdiyevi buraxmaq fikirləri yoxdur: "Cavid hazırda qayıdıb və fərdi məşqlər edir. Biz belə bir futbolçunu buraxmaq istəmirik. Çalışacağıq ki, futbolçunu ailəsini Türkiyəyə gətirməyə razı salaq".
