Azərbaycan 21-ci pilləyə yüksəldi

Beynəlxalq Çimərlik Futbolu Federasiyası yığma komandaların yeni reytinq cədvəlini açıqlayıb. Azerisport.az xəbər verir ki, Azərbaycan millisi yeni siyahıda 21-ci yerdə qərarlaşıb.

Komandamızın hesabında 204 reytinq xalı var. Azərbaycan ötən il sözügedən reytinq cədvəlində 39-cu olmuşdu.

92 komandanın yer aldığı siyahıda birinci yeri Rusiya (1214) tutur. Şimal qonşularımızı İsveçrə (777) və Braziliya izləyir (760).