Kamran Ağayev: Mənim Mikel Alvaronu vurmaq fikrim yox idi
"Qəbələ"nin qapıçısı Kamran Ağayev Topaz Premyer Liqasının 18-ci turunda qarşılaşdıqları "İnter"lə oyunda baş verənlərdən danışıb. Azerisport.az saytına açıqlamasında o, bunları söyləyib:
"Oyun vaxtı "İnter"in azarkeşləri məni tənqid etməyə başladılar. Mən onlara aqressiv cavab verdim, amma söymədim. Onlara oyundan sonra yaxınlaşdım. Mənim dodağımın altında danışmaq kimi vərdişim var. Sonra da hamı ağlına gələni uydurub deyir ki, Kamran belə bir söyüş söyüb. Amma onlarla danışdıq, həll etdik. Hətta mənə dedikləri sözə görə də üzr istədilər. Mikel Alvaro epizoduna gəlincə, mənim qarşımda durduğuna görə, onu kənara itələmək istədim. Mənim onu vurmaq fikrim yox idi. Təkrara baxdıqda mənim onu qəsdən vurduğum görünə bilər. Amma əslində mənim elə məqsədim yox idi".
