Yaşar Seyidov: Premyer Liqanın bütün klubları Bakını dəstəklədi

"Bakı"nın icraçı direktoru Yaşar Seyidov AFFA klublar komitəsinin bu komandanın üzvləri ilə birbaşa danışıq aparmasını qadağan etməsinə münasibət bildirib. Azerisport.az saytına açıqlamasında o, bunları söyləyib:

"Bakı"nın çətin vəziyyətdə olduğunu nəzərə alıb, klublar komitəsinə belə bir məsələ ilə bağlı müraciət etdik. Xahiş etdik ki, bu mövsüm digər klublar bizim futbolçuları öz sıralarına qatmasınlar. Bütün Premyer Liqa klubları bizi dəstəklədi. Bu qərara görə hamısına təşəkkürümüzü bildiririk. Fikrimcə, "Bakı"nın da işləri zamanla qaydasına düşəcək".