İvan Bobko: Qəbələ çox iddialı komandadır, ona görə hər şey mümkündür
Ukraynalı yarımmüdafiəçi İvan Bobko azerisport.az saytına müsahibəsində "Qəbələ"nin yeni baş məşqçisi Roman Qriqorçuk, eləcə də Azərbaycana mümkün gəlişi barədə fikirlərini açıqlayıb.
- Qriqorçukun "Qəbələ"nin sükanı arxasına keçməsindən xəbəriniz var?
- Bəli. Onun "Çernomorets"dən ayrılıb, "Qəbələ"yə keçdiyini eşitmişəm.
- Sizcə, o, bu komanda ilə uğur qazana biləcək?
- Fikrimcə, hə. Qriqorçuk güclü mütəxəssisdir.
- Deyilənə görə, Qriqorçuk qışda sizi də "Qəbələ"yə gətirəcək...
- Düzünü deyim ki, belə bir şey eşitməmişəm. Hələlik, istirahətdəyəm.
- Sizə bu kluba keçmək barədə rəsmi təklif gəlməyib?
- Xeyr. Məsələ burasındadır ki, "Çernomorets"lə müqaviləm var.
- Qriqorçuk da sizə belə bir təklif etməyib?
- Xeyr.
- Bəs belə bir təklif gəlsə, qəbul edərsiniz, yoxsa "Qəbələ"yə keçidi geriyə addım sayarsınız?
- Xeyr. "Qəbələ" eşitdiyimə görə, iddialı komandadır. Ona görə də hər şey mümkündür.
